Anō te ataahua o ōu tāpenakara e Ihowa o ngā manō… E hiahia ana tōku wairua, ā, e hemo ana ki ngā marae o Ihowa, e tangi ana tōku ngākau me ōku kikokiko ki te Atua ora, ka hari te hunga e noho ana i tōu whare, he whakamoemiti tonu tā rātau ki a koe, ka hari te tangata ko tōna kaha nei kei a koe, kei roto i o rātau ngākau ngā huarahi ki reira, ka hiko atu rātau i te kaha ki te kaha, ka kitea rātau ki te aroaro o te Atua i Hiona, e Ihowa e te Atua o ngā manō, whakarongo ki taku inoi, tahuri mai tōu taringa e te Atua o Hākopa… Titiro mai e te Atua e tō mātau whakangungu rākau, tirohia iho hoki te mata o tāu tangata i whakawāhia ai e koe, nō te mea hoki pokake atu te pai o te rā tahi i ōu whare i tō ngā rā kotahi manō, ēngari rawa ki ahau te tiaki tātau i te whare o tōku Atua, i te noho ki ngā tēneti o te kino, he rā hoki a Ihowa te Atua, he whakangungu rākau, ka hōmai e Ihowa te ātawhai me te korōria, e kore e kai ponohia mai e ia tētahi mea pai ki te hunga e tika ana te haere… E Ihowa o ngā manō, ka hari te tangata e whakawhirinaki atu ana kia Ihowa