Waiata a Rāwiri 85

E Ihowa kua aro mai koe ki tōu whenua kua whakahokia mai e koe a Hākopa i whakaponongatia nei… Kua murua e koe te kino o tō iwi, kua hipokina e koe o rātau hara katoa, ā, kua whakakāhoretia katoatia e koe tō weriweri, kua tahuri atu koe i te āritaritatanga o tō riri, whakahokia ake mātau e te Atua o tō mātau whakaoranga, kia mutu hoki tō riri kia mātau… E riri rānei koe kia mātau āke āke, e mauāhara tonu rānei koe a tēnā whakatipuranga, tēnā whakatipuranga, e kore ia nei koe e whakahoki ake ia mātau ki te ora, kia hari ai tōu iwi kia koe, e Ihowa whakakitea mai tāu mahi tohu kia mātau, tukua mai hoki kia mātau tāu whakaoranga.  Ka whakarongo atu ahau ki tā te Atua, ki tā Ihowa i kōrero ai.  Nō te mea hoki nō te rongomau āna kōrero ki tōna iwi, ki tōna hunga  tapū hoki, kaua ia rātau e hoki atu ki te wairangi…  He pono e tata ana tāna whakaoranga ki te hunga e wehi ana ki āia  kia noho ai te korōria ki tō tātau whenua, kua tūtaki te mahi tohu rāua ko te pono, kua kihi kia rāua te tika me te rongomau e tipu ake te pono i te whenua, he titiro iho te tika i te rangi.  Āe, ka hōmai e Ihowa te mea pai, ka tukua mai ōna hua ki tō tātau whenua… Ka haere te tika ki mua i āia hei whakaatu i a tātau ki te ara o āna hikoinga