Waiata a Rāwiri 62

He pono e tatari ana tōku wairua ki te Atua, koia anake te whakaoranga mōku… Koia anake tōku kōhatu me tōku whakaoranga, tōku pā hoki, e kore e nui tōku ngāueuetanga. Heoi anō tā rātau e rūnanga ai, ko te turaki i āia  i tōna wāhi teitei, e whakaahuareka ana rātau ki te teka, e manaaki ana o rātau māngai, ā, e kanga ana a roto ia rātau.  E tōku wairua, tatari mārie koe ki te Atua anake, koia anake tāku e tūmanako atu nei, koia anake tōku kōhatu me tōku whakaoranga, tōku pā hoki, e kore ahau e whakangāueuetia… Kei te Atua te whakaoranga mōku me tōku korōria kei te Atua te kōhatu o tōku kaha, me tōku piringa. Whakawhirinaki atu ki āia  i ngā wā katoa, ringihia e te iwi o koutou ngākau ki tōna aroaro hei piringa mō tātau te Atua… he pono he mea memeha noa ngā ware, he teka noa ngā rangatira, ki te paunatia rātau, māmā noa ake rātau tahi i te horihori. Kaua e whakawhirinaki ki te tūkino, kei wairangi hoki ki te pāhua, ki te tini haere ngā taonga, kei whakamanawa o koutou ngākau ki reira.  Kotahi kōrerotanga a te Atua, ka rua ōku rongona i tēnei, nō te Atua te ka…ha… Nāu anō hoki e te Ariki te mahi tohu rite tonu hoki ki tāna mahi tāu utu ki te tangata