Pānui 25

Ruka 2:9

Nā ko te putanga mai o tētahi Ānahera a te Ariki kia rātau, ā, whiti mai ana te korōria o te Ariki kia rātau, ā, tāwhio noa ā, nui whakaharahara tō rātau wehi

Ruka 2:10

Nā, ka mea mai te Ānahera kia rātau, kaua e mataku, nō te mea he kai kauhau tēnei ahau kia koutou, mō te hari nui mea ake puta mai ki te iwi katoa

Ruka 2:11

Nō nāianei hoki i whānau ai he kaiwhakaora mō koutou i te pā o Rāwiri, arā a te Karaiti te Ariki

Ruka 2:12

Ā, ko te tohu tēnei kia koutou, e kite koutou i te tamaiti kua oti te takai ki te kākahu, e takoto ana i te takotoranga kai mā ngā kararehe

Ruka 2:13

Ā, kīhai i aha ko te tini noa iho o te ope o te rangi, e noho tahi ana me taua Ānahera, e whakamoemiti ana ki te Atua e mea ana

Ruka 2:15

Ā, ka māwehe atu ngā Ānahera i a rātau ki te rangi, ka mea ngā hēpara tētahi ki tētahi, tātau ka haere ki Pēterehema, kia kite i tēnei mea kua puta mai nei, kua whakaputaina mai nei e te Ariki kia tātau

Ruka 2:23

Kia pērātia me te mea i tuhituhia ki te ture a te Ariki, ko ngā tāne katoa e ōroko puta mai i te kōpu, e karangatia e tapū ana ki te Ariki

Ruka 2:26

Nā, kua whakamaharatia mai ia e te wairua tapū, e kore ia e kite i te mate, kia kite rānō ia i tā te Ariki Karaiti

Ruka 2:27

Nā, ka haere mai ia ki te temepara he meatanga nā te wairua, ā, i ngā mātua e mau mai ana i te tamaiti i a Ihu, kia meatia ai e rāua ki āia, tā te ture i whakarite ai

Tangi a Heremaia 3:2

I ārahina ahau e ia i kawea ki te pouritanga,  kahore hoki he māramatanga

Tangi a Heremaia 3:3

He pono kua tahuri mai ia kia ahau, kua anga mai tōna ringa kia ahau ā, pau noa te rā

Ihāia 44:2

Ko te kupu tēnei a Ihowa, a tōu kaihanga, nāna nei koe i whakaahua i roto i te kōpū, nāna nei koe i āwhina, kaua e wehi e Hākopa e tāku pononga, e Iehuruna, i tāku i whiriwhiri ai

Ihāia 44:3

Nō te mea ka ringihia e ahau he wai ki runga ki te tangata e mate wai ana, me ngā awa anō hoki ki runga ki te wāhi maroke, ka ringihia e ahau tōku wairua ki runga ki ōu uri, tāku manaakitanga anō hoki ki runga ki tōu whānau.