Waiata a Rāwiri

Ka whakapaua tōku ngākau e Ihowa ki te whakamoemiti kia koe… ka kōrerotia e ahau āu mahi whakamiharo katoa, ka koa atu ahau ka whakamanamana kia koe ka himene atu ahau ki tō ingoa e te runga rawa, nāu hoki i whakatika āku kōrero me tōku whakawā i runga koe i te torona e noho ana e whakariterite tika ana. Ko Ihowa ia e pūmau ana āke, āke… Kua whakapaia e ia tōna torona mō te whakarite whakawā, ā, whakarite whakawā ia mō te ao i runga i te tika, ka whakatakoto tikanga ia mō ngā iwi i runga i te pono. Ā, hei pā teko a Ihowa mō te tangata e tukinotia ana, hei pā teko i ngā wā o te hē. Ā, ka whakawhirinaki kia koe te hunga e mātau ana ki tōu ingoa, nō te mea hoki e kore e whakarērea e koe a Ihowa e noho nei i Hiona, whakapuakina i waenganui i ngā iwi āna mahi. Ka whakataki toto ia. Ka mahara ia kia rātau, e kore e wareware i āia te karanga a te hunga iti. Tohungia ahau e Ihowa, titiro mai ki tāku mate i te hunga e kino mai ana ki ahau, e te kaiwhakaara i āu i ngā tatau o te mate. Kia whakakitea katoatia ai e ahau o whakamoemititanga i ngā tatau o te tamahine o Hiona. Ka hari atu ahau ki tāu whakaoranga. E kore hoki e wareware tonutia te tangata rawakore, e kore e taka tonu atu tā te hunga iti i tūmanako atu ai… E ara e Ihowa kei kake te tangata, kia whakaritea mai te whakawā o ngā tauiwi i tōu aroaro